FAB Şirkətlər Qrupu xarici bazara çıxış imkanlarını genişləndirmək istiqamətində daha bir mühüm addım atıb. Şirkətimiz Qazaxıstanın paytaxtı Almatıda keçirilən 31-ci Qazaxıstan Beynəlxalq İnşaat və İnteryer Sərgisi – “KazBuild 2025”-də ölkəmizi təmsil edib.

Bu nüfuzlu tədbirdə FAB Şirkətlər Qrupu geniş məhsul çeşidini ilk dəfə Orta Asiya bazarına təqdim edib. Sərgi çərçivəsində şirkətimizin nümayəndələri xarici tərəfdaşlarla görüşlər keçirib, əməkdaşlıq imkanları barədə müzakirələr aparacaq və ixrac proseslərinə dair konkret razılaşmalar əldə etməyə çalışıb. “KazBuild” sərgisi inşaat sektoru üzrə regionun ən böyük və nüfuzlu tədbirlərindən biridir. Bu il sərgidə 23 ölkədən 401 iştirakçı, Almaniya, Polşa, Birləşmiş Ərəb Əmirlikləri, Azərbaycan, Rusiya, İran kimi ölkələrin aparıcı istehsalçıları yer alıb.

FAB Şirkətlər Qrupu üçün bu sərgi yalnız məhsulların təqdimatı deyil, həm də beynəlxalq bazarda yeni tərəfdaşlıqlar qurmaq, Azərbaycanın sənaye potensialını dünyaya nümayiş etdirmək baxımından əhəmiyyətli platformadır. Şirkətimizin əsas məqsəd və hədəfi təkcə məhsul ixracı ilə məhdudlaşmır, həm də istehsalat prosesində tətbiq etdiyimiz texnologiya və innovasiyanı Orta Asiya bazarında tanıtmaqdır. “KazBuild 2025” sərgisi sentyabrın 5-də başa çatıb.