“Fab Faydasını Alan Bilər” adlı şeir müsabiqəsinin qalibləri mükafatlandırıldı.

22 sentyabr 2017 ci il tarixində “FAB Boya və Kimya Sənayesi MMC” də “FAB – Faydasını Alan Bilər” adlı şeir müsabiqəsinin qaliblərinin mükafatlandırılma mərasimi keçirildi. Qeyd edək ki, şeir müsabiqəsi 1-may- 30 iyun tarixləri arasında davam etmiş, müsabiqəyə yüzlərlə şair yazdıqları bir-birindən maraqlı şeirlərini təqdim etmişdır. Yazılan bütün şeirlər peşəkar münsiflər heyyəti tərəfindən qiymətləndirildikdən sonra finalçılar təyin edilmişdir.

Münsiflər heyyəti Azərbaycan Yazıçılar Birliyinin üzvü, Azərbaycan Respublikasının "Əməkdar incəsənət xadimi”, nəğməkar şair Baba Vəziroğlu, Ulduz jurnalının baş redaktoru, Azərbaycanın əməkdar jurnalisti Qulu Ağsəs, Azərbaycan Yazıçılar Birliyinin üzvü şair Azər Abdulla, “Fab Boya və Kimya Sənayesi MMC” nin Təsisçisi Anar Əliyev, Baş direktoru Kənan Məhərrəmov və Marketinq Departamentinin rəhbəri Fuad Əlişov olmuşdur.

Çətin keçən seçim turundan sonra 17 iştirakçı finala vəsiqə qazanmışdır.

1-ci yer 800 m,

2-ci yer 600 m,

3-cü yer 400 m,

xüsusi mükafata layiq görülmüş 3 iştirakçı isə pul mükafatı, hədiyyə və diplomla təltif edilmişdir.

11 iştirakçı isə həvəsləndirici yerə layiq görülmüşdür.