07.12.2019-cu il tarixində “FAB Boya və Kimya Sənayesi” MMC-nin təşkil etdiyi “FAB Payızın rəngləri ilə” adlı foto müsabiqəsinin qaliblərinin seçim mərhələsi başa çatıb. Münsiflər heyətində Əməkdar incəsənət xadimi,sənətşünas Ziyadxan Əliyev, Azərbaycan Rəssamlar İttifaqının üzvü, qrafikaçı rəssam Rüstəm Məmmədov, tanınmış fotoqraf Ramin Aslanov, şirkətimizin Marketinq Departamentinin rəhbəri Anar İsmayılov və qrafik dizayner Elşən Abdullayev iştirak ediblər. Müsabiqə üçün təqdim edilən şəkillər arasından 3 ən yaxşı foto seçilib. Qaliblər 14.XII.2019-cu il tarixində keçiriləcək mükafatlandırma mərasimində elan olunacaq. I yerə layiq görülmüş fotonun sahibinə -500 azn; II yerə 300 azn; III yerə isə 200 azn pul mükafatı təqdim ediləcək. Tədbir zamanı qaliblərlə yanaşı bütün müsabiqə iştirakçıları xüsusi hədiyyələrlə təltifləndiriləcəklər. Mükafatların təqdim olunacağı məkan və vaxt haqqında iştirakçılara məlumat göndəriləcək.